ສະພາຄວາມໝັ້ນຄົງ ສປຊ ປະຊຸມດ່ວນກ່ຽວກັບບັນຫາຄວາມເຄັ່ງຕຶງທີ່ເພີ່ມຂຶ້ນຢູ່ ເຂດກາຊາ
ອີງຕາມລາຍງານຈາກວິທະຍຸກະຈາຍສຽງ ຫວຽດນາມ ແຈ້ງໃຫ້ຮູ້ໃນວັນທີ 5 ກຸມພາ 2024 ຜ່ານມານີ້ວ່າ: ຕອນບ່າຍວັນທີ 5 ກຸມ
ພາ 2024, ຢູ່ນະຄອນ ນິວຢອກ ຂອງ ສ. ອາເມຣິກາ, ສະພາຄວາມໝັ້ນຄົງສະຫະປະຊາຊາດ (ສປຊ) ໄດ້ໂຮມປະຊຸມດ່ວນຕາມຂໍ້ສະເໜີ
ຂອງ ຣັດເຊຍ ເພື່ອພິຈາ ລະນາກ່ຽວກັບເຫດຄວາມເຄັ່ງຕຶງທີ່ພວມເພີ່ມຂຶ້ນຢູ່ເຂດຕາເວັນອອກກາງ.
ທ່ານ ນາງ ໂຣສແມຣີ ດີຄາໂລ (Rosemary DiCarlo), ຮອງເລຂາທິການໃຫຍ່ ສປຊ, ຮັບຜິດຊອບບັນຫາການເມືອງ ແລະ ສ້າງ
ສັນຕິພາບຄືນໃໝ່ ກ່າວມີຄຳເຫັນໃນກອງປະຊຸມ ພ້ອມທັງເຕືອນວ່າ: ບັນດາການບຸກໂຈມຕີ ໄດ້ເພີ່ມຂຶ້ນຢູ່ຫຼາຍບ່ອນໃນເຂດຕາເວັນອອກ
ກາງ. ສະນັ້ນ, ຄວນມີມາດຕະການ ຫຼື ການກະທຳອັນຮີບດ່ວນ ເພື່ອຫຼຸດຜ່ອນຄວາມເຄັ່ງຕຶງດັ່ງກ່າວ. ທ່ານ ນາງ ໂຣສແມຣີ ໄດ້ກ່າວຕື່ມວ່າ:
ທ່ານ ແອນໂຕນີໂອ ກູເຕີເຣສ (Antonio Guterres), ເລຂາທິການໃຫຍ່ ສປຊ ໄດ້ກ່າວເຕືອນຫຼາຍເທື່ອແລ້ວກ່ຽວກັບສະພາບຄວາມເຄັ່ງ
ຕຶງທີ່ເພີ່ມຂຶ້ນ ແລະ ການປະເມີນເຫດການທີ່ຜິດພາດ ນັບແຕ່ເກີດການປະທະກັນລະຫວ່າງ ຂະບວນການຮາມາສ ແລະ ອິດສະຣາແອນ ຖື
ວ່າຕົກຢູ່ໃນສະພາບການທີ່ອັນຕະລາຍ. ໃນການປະຊຸມ, ທ່ານ ຈາງ ຈຸນ (Zhang Jun) ເອກອັກຄະລັດຖະທູດ ຈີນ ປະຈຳ ສປຊ ໄດ້ເນັ້ນ
ໜັກວ່າ: ຈຸດຫຼັກຂອງບັນຫາເຂດຕາເວັນອອກກາງໃນປະຈຸບັນ ແມ່ນຍັງບໍ່ທັນມີຄຳສັ່ງຢຸດຍິງໃນເຂດກາຊາ. ແຕ່ລະປະເທດໃນເຂດພາກພື້ນ
ຕ້ອງໃຫ້ຄຳໝັ້ນສັນຍາໃນການເດີນຕາມເປົ້າໝາຍລວມ ເຊິ່ງແມ່ນການຮັບປະກັນຄວາມມີສະຖຽນລະພາບຢູ່ພາຍໃນພາກພື້ນ.
ແຫຼ່ງທີ່ມາ: ໜັງສືພິມກອງທັບ
ວັນທີ 09/02/2024